საქალაქო სასამართლოში ევაკუაცია გამოცხადდა -  როგორც "ტვ პირველის" კორესპოდენტი ადგილიდან იტყობინება, ამ წუთებში, სასამართლოში ყველა პროცესი შეწყვიტეს და ხალხს შენობის დაცლისკენ მოუწოდებენ. ხალხი გაიყვანეს ეზოდანაც. ასევე სასამართლო დარბაზიდან გაიყვანეს ლევან ჯანგველაძის მკვლელობაში ბრალდებული გელა უძილაური. 

განგაში სასამართლოში მოულოდენელად გამოცხადდა. როგორც ადგილზე "პირველებს" ეუბნებიან, სასამართლოში სავარაუდოდ, ბომბის შესაძლო არსებობის შესახებ შეტყობინებაა შესული და სუსის ანტიტერორისტული სააგენტოს თანამშრომლებს ელოდებიან.

შეგახსენებთ, რომ საქალაქო სასამართლოში რამდენიმე დღის წინაც გამოცხადდა განგაში, მაშინაც და დღესაც სასამართლოში ლევან ჯანგველაძის მკვლელობის საქმეზე გელა უძილაურის პროცესი მიმდინარეობდა. 

მაშინ უძლაურის ადვოკატმა ვერ გამორიცხა, რომ რომ სასამართლოში სავარაუდო ბომბის არსებობაზე შეტყობინება ჯანგველაძის მკვლელობის საქმეს უკავშირდებოდეს.

ჯანგველაძის საქმის პროკურორი ამბობს, რომ წინა სხდომაზეც ასე მოხდა და ახლაც იგივე განმეორდა.