რეჟისორი გიორგი ლიფონავა დააკავეს
“ფორმულას“ თანამშრომელი და რეჟისორი გიორგი ლიფონავა დააკავეს.
მას სავარაუდოდ, რუსთაველზე გზის გადაკეტვას ედავებიან.
განახლება: ტელეკომპანია „ფორმულა“ საკუთარი თანამშრომლის დაკავებას გამოეხმურა და განცხადება გაავრცელა.
“ფორმულა“ თავს რეჟიმის სამიზნედ განიხილავს და მოითხოვს დაკავებულთა გათავისუფლებას.
დღეს, 24 ოქტომბერს, დააკავეს „ფორმულას“ დამფუძნებელი, რეჟისორი გიორგი ლიფონავა.
მისი ადგილსამყოფელი ჯერ კიდევ გაურკვეველია, თუმცა ვვარაუდობთ, რომ ის რეჟიმის პოლიციამ აქციაში მონაწილეობისთვის, გზის გადაკეტვის საბაბით, წაიყვანა.
მიმდინარე რეპრესიები „ფორმულას“ მრავალი ფორმით შეეხო - ტელეკომპანიის დამფუძნებელ გიორგი ლიფონავამდე დააკავეს და ციხეში ჩასვეს მისი წამყვანები და ჟურნალისტები ვახო სანაია, ქეთა ციცქიშვილი, ცირა ჟვანია. დღესვე აიყვანეს გადაცემა „ყოველდღეს“ თანაწამყვანი ზვიად კვარაცხელია.
საზოგადოების დაშინებისკენ მიმართული რეპრესიები მძიმედ ზღუდავს გამოხატვის თავისუფლებას, შემთხვევითი არ არის, რომ დაკავებულთა შორის მედიასთან დაკავშირებული ამდენი ადამიანია.
„ფორმულა“, როგორც დამოუკიდებელი მედია, თავს რეჟიმის სამიზნედ განიხილავს და მოითხოვს დაკავებულთა გათავისუფლებას, - წერია განცხადებაში.
დაკავებების სერია განახლდა - დღეს პოლიციამ უკვე 14 ადამიანი დააკავა. დაკავების მიზეზი სავარაუდოდ, რუსთაველის გამზირის გადაკეტვაა.
- ანუკა გამსახურდია დააკავეს
- დავით მშვენიერაძე დააკავეს
- თენგო კირთაძე დააკავეს
- გავრცელებული ინფორმაციით, ზურაბ ცეცხლაძე დააკავეს
- ნინო ლაღიძე დააკავეს
- ბაჩო ქიმუცაძე დააკავეს
- ლაშა ბრეგვაძე დააკავეს
- პარტია "დროას" წევრი ნათია ლეთოდიანი დააკავეს
- გავრცელებული ინფორმაციით, დაკავებულია დანი მაღრაძე
- გავრცელებული ინფორმაციით, გიორგი მელითაური დააკავეს
- მწერალი ზვიად კვარაცხელია დააკავეს
- ჟურნალისტ ვასილ ივანონ-ჩიქოვანის მეუღლე, მაიკო ბოკერია დააკავეს
- სამოქალაქო აქტივისტი, აჩი გოჩიტაშვილი დააკავეს
- დაკავებულია ჟურნალისტი ვასილ ივანოვ-ჩიქოვანი
