ხმაური ჯანდაცვის სამინისტროსთან - მშობლები დიუშენის კუნთოვანი დისტროფიით დაავადებული ბავშვებისთვის წამალს ითხოვენ. საუბარია ახალ მედიკამენტზე, რომელზეც ექიმები დიდ იმედებს ამყარებენ, მაგრამ ის ჯერ საქართველოში არ იყიდება.

პრეპარატი ძვიღადღღირებულია და მას მოქალაქეეები საკუთარი სახსრებით ვერ შეიძენენ, ამიტომ ჯანდაცვის სამინისტროს მოუწოდებენ, სახელმწიფომ ბავშვებს მკურნალობა დაუფინანსოს.

მშობლებთან შესახვედრად მინისტრიც გამოვიდა, თუმცა მიხეილ სარველაძეს მათთან გასაუბრება კამერების გარეშე სურდა, რაზეც შეკრებილებმა უარი განაცხადეს. 

სარჯველაძემ თქვა, რომ მედიკამენტის შემოტანას წინ კვლევები უნდა უძღოდეს, რაც დოის საკითხია.

ყოველი დღე და საათი არის მნიშვნელოვანი, შეიძლება ბავშვებმა ვეღარ გაიარონ. ბავშვები გვეღუპება, - უთხრეს საპასუხოდ მშობლებმა. 

დაავადება პროგრესირებს ყოველ წამს, ყოველი დღე არის დანაკარგი ეს დაავადება არ ჩერდება. ჩვენ არ გვაქვს ერთი წუთი დასაკარგი დრო. ახლა გამოჩნდა ბაზარზე, 4 მედიკამენტია გამოსული, რომელიც ზოგი გადაავადებს დაავადებას 6-7 წლით. ჩვენთვის ეს ყველაფერია. არის მედიკამენტი, რომელი ერთხელ კეთდება სიცოცხლის მანძილზე და დიდი შედეგები აქვს. ამ მედიკამენტების დაგვიანება გამოიწვევს ფატალურ შედეგს უმოკლეს დროში, - ამბობს ერთ-ერთი მშობელი.