"ქართული ოცნების" მთავრობამ შრომითი იმიგრანტებისა და თვითდასაქმებული უცხოელებისთვის შრომითი საქმიანობის უფლების გაცემის ახალი წესი დაამტკიცა. დადგენილებას ირაკლი კობახიძე აწერს ხელს. დოკუმენტი 20 თებერვლით თარიღდება და 2026 წლის 1 მარტიდან ამოქმედდება.

დადგენილება არეგულირებს ნებართვის გაცემის პირობებსა და პროცედურებს, საჭირო დოკუმენტაციას, ასევე უარის თქმის საფუძვლებსა და მონიტორინგის მექანიზმებს.

დოკუმენტით განსაზღვრულია წლიური კვოტებიც: საკურიერო მომსახურებაზე, მგზავრთა გადაყვანასა და ტურისტულ გიდობაზე კვოტა ნულოვანია, ხოლო სამთო/ალპური და სათხილამურო გამყოლებზე - 200.