პროპაგანდა მშობლების წინააღმდეგ - რას ამბობენ დიუშენის კუნთოვანი დისტროფიის მქონე ბავშვების მშობლები
დიუშენის კუნთოვანი დისტროფიით დაავადებული ბავშვების მშობლები გავრცელებულ ინფორმაციას ეხმაურებიან, რომლის მიხედვითაც, აღმოჩენილია 75 ანგარიში, რომელიც სოციალურ ქსელ Facebook-ში დიუშენის კუნთოვანი დისტროფიის მედიკამენტის შესახებ სახელისუფლებო პოზიციას იწონებენ და ეჭვქვეშ აყენებენ პრეპარატის უსაფრთხოებასა და ეფექტიანობას.
ერთ-ერთი მშობელი, თაკო გოგალაძე ამბობს, რომ სავარაუდოდ მათ ვინც, ამის უკან დგას სურთ, ქვეყანაში სიტყვის თავისუფლება, ჯანმრთელობისთვის და მედიკამენტებისთვის ბრძოლა სამუდამოდ შეწყდეს.
ჩვენი შვილების ჯანმრთელობა და ეს განაჩენი, რაც მათ აქვთ ამ დაავადების სახით, ეს არ გვეყოფა, რომ კიდევ ახალს გვიმატებენ და ესე ღიად გვებრძვიან? ჩვენ ამ ბრძოლაში ვარ სულ მარტო, ერთადერთი მოთხოვნით, რომ გვინდა მედიკამენტი. არ ვიცი ეს ამხელა გაშავების კამპანია რას ემსახურება. სავარაუდოდ ამ ადამიანებს უნდათ, რომ სიტყვის თავისუფლება, ჯანმრთელობისთვის ბრძოლა, მედიკამენტებისთვის ბრძოლა ამ ქვეყანაში ერთხელ და სამუდამოდ შეწყდეს.
საბოლოოდ ბოლო მოუღო ჯანდაცვის მინისტრმა დღეს, დღეს ეს ბავშვები გაწირა და პირდაპირი მესიჯი გაუგზავნა, რომ თქვენი საშველი არ არის, არც ეს 4 მედიკამენტი არ გიშველით და არც ეს მშობლები არ გიშველიან და პირდაპირ დედებსაც ბოლო მოგვიღო, ჩვენც დაგვხოცავს ეს ადამიანი და ეს ბავშვები დარჩებიან მარტო," - განაცხადა თაკო გოგოლაძემ.
კიდევ ერთი მშობლის, თეონა თედელურის თქმით, ჩანს რომ ძალიან ეშინიათ და ძალიან უნდათ მათი გაშავება.
ღმერთმა დაგიფაროთ ყველანი, მაგრამ თითოეული თქვენგანის ოჯახში რომ იგივე სიტუაცია იყოს, როგორ დაწერდით იგივეს. მაინტერესებს ვნახო ის ადამიანი, ვინც ამ ტროლების და ბოტების უკან დგას. ამ ყველაფრის შემხედვარე ჩანს, რომ ძალიან ეშინია და ძალიან უნდა ჩვენი გაშავება. ჩვენ არც არანაირი პარტიისგან არ ვართ მართულები, გარდა ჩვენი შვილებისა. წირავენ ჩვენ შვილებს და ყველაფერს აკეთებენ, რომ ჩვენ მშობლები გაგვაშავონ და ბაშვები გაიმეტონ სასიკვდილოდ," - ამბობს თეონა თედელური.
