სამოქალაქო აქტივისტი თორნიკე თოშხუა ისევ დააკავეს. შესაბამის ვიდეოს ფოტოგრაფი, ლევან ზაზაძე სოციალურ ქსელში აქვეყნებს. 

თორნიკე თოშხუა შინაგან საქმეთა სამინისტროს თანამშრომლებმა ისევ თბილისის საკრებულოსთან აიყვანეს.  მას ხელში ეკავა ბანერი "ბიძინა ყ - არაა/არის?". 

განახლება: როგორც "პირველებს" ადვოკატი, მარიკა არევაძე უყვება, თოშხუა თელავის დროებითი მოთავსების იზოლატორშია გადაყვანილი. 

შინაგან საქმეთა სამინისტროში აცხადებენ, რომ თოშხუა ადმინისტრაციული სამართალდარღვევათა კოდექსის 166-ე მუხლით არის დაკავებული, რაც წვრილმან ხულიგნობას გულისხმობს.

ცნობისთვის, თოშხუა ბიძინას და სამი ასოს კომბინაციანი ბანერის ხელში ჭერის გამო, 26 ივლისსაც დააკავეს. ის სასამართლომ 6000 ლარიანი ჯარიმა დააკისრა.