ამ გამოძიებაზე პასუხი პროკურატურის გუშინ მიღებული გადაწყვეტილება ვერ იქნება, რადგან ის ვერ პასუხობს ძალადობის იმ სისტემურ ბუნებას და მასშტაბურობას, რომელიც ჩვენ 2024 წელს გაზაფხულის და შემოდგომის აქციების დროს ვიხილეთ. ჩვენ ვხედავთ, რომ მთავარ კითხვაზე პასუხი არ არის გაცემული, რომელიც უკავშირდება დაუსჯელობას. ჩვენ ბოლოს 28 აპრილს ვნახეთ საქმის მასალები, მათ შორის ზვიად მაისაშვილის. ეს აჩვენებს, რომ ეს გადაწყვეტილება სწრაფად, მოულოდნეად იყო მიღებული და მას პოლიტიკური მიზანშეწონილობის ინტერესიც ამოძრავებდა, - ამბობს თამთა მიქელაძე. 

ლევან ხაბეიშვილის, გურამ როგავას და ზვიად მაისაშვილის ცემის საქმეები პროკურატურამ გახსნილად გამოაცხადა. დაკავებულია 3 ყოფილი და 1 მოქმედი სპეცრაზმელი, ასევე დაცვის პოლიციის მოქმედი თანამშრომელი.