"ქართული ოცნების" ყოფილმა დეპუტატმა ზურაბ ზვიადაურმა საპროცესო შეთანხმების საფუძველზე საპატიმრო დატოვა -  ინფორმაციას "მთავარი ამბები" ავრცელებს. ყოფილი ოლიმპიური ჩემპიონის გათავისუფლების შესახებ ინფორმაცია გამოცემას ადვოკატმა დაუდასტურა.

ირკვევა, რომ ზურაბ ზვიადაურმა საპატიმრო მარტში დატოვა.

 იარაღის უკანონო შეძენა-შენახვა-ტარებისთვის დაკავებულ ოლიმპიურ ჩემპიონსა და ქართული ოცნების ყოფილ დეპუტატს საპროცესო შეთანხმება 2025 წლის ნოემბერში გაუფორმდა. მას 6 თვით თავისუფლების აღკვეთა, 4 წლის ვადით პირობითი მსჯავრი და 5 000-ლარიანი ჯარიმა განესაზღვრა.ზვიადაური ამ ბრალდებით 2025 წლის 16 სექტემბერს დააკავეს.