პატრიარქ შიო მესამეს აღსაყდრებაზე დასასწრებად ყოფილი პრემიერმინისტრის, ირაკლი ღარიბაშვილის ცოლი, ნუნუკა თამაზაშვილი მივიდა. მას მედიასთან კომენტარი არ გაუკეთებია.

• ცნობისთვის: ყოფილ პრემიერ-მინისტრს, ირაკლი ღარიბაშვილს საპროცესო შეთანხმება გაუფორმდა – მას 5 წლით თავისუფლების აღკვეთა და 1 მილიონი ლარის ჯარიმა განესაზღვრა. ბრალდების მხარე ამბობს, რომ მაღალ თანამდებობაზე ყოფნის პარალელურად, ღარიბაშვილი ფარულად და შენიღბულად ეწეოდა სხვადასხვა ტიპის ბიზნესსაქმიანობას და იღებდა დიდი ოდენობით არალეგალურ შემოსავლებს.

რაც შეეხება ახალი პატრიარქის ინტრონიზაციას ის დღეს, 12 მაისს, სვეტიცხოვლის საკათედრო ტაძარში გაიმართება. ამის შესახებ 142-ე კათოლიკოს - პატრიარქმა,შიო III-მ გუშინ განაცხადა.

მსახურება დაიწყება 10:00 საათზე.

ორშაბათს, 11 მაისს საქართველოს მართლმადიდებელი ეკლესიის გაფართოებულ კრებაზე საქართველოს 142-ე პატრიარქად საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო მუჯირი აირჩიეს.

39-წევრიან სინოდში მან მიიღო 22 ხმა მიიღო.

ურბნისისა და რუისის ეპარქიის მიტროპოლიტმა იობმა 9 ხმა მიიღო, ფოთისა და ხობის მიტროპოლიტმა გრიგოლმა კი 7 ხმა. გაუქმდა ერთი ხმა.

 გაფართოებულ კრებაზე პატრიარქობის სამი კანდიდატი იყო წარმოდგენილი. 

• სენაკისა და ჩხოროწყუს მიტროპოლიტი და საპატრიარქო ტახტის მოსაყდრე შიო.
• მროველ-ურბნელი მიტროპოლიტი იობ აქიაშვილი.
• ფაზისელი მიტროპოლიტი გრიგოლ ბერბიჭაშვილი.