გორში პოლიციის მიერ ნაცემი ორი ახალგაზრდა კაციდან ერთ-ერთის და შინაგან საქმეთა სამინისტროს თანამშრომლების სრული სიმკაცრით დასჯას ითხოვს. ამის შესახებ მან "პირველებთან" ინტერვიუში განაცხადა.

დაზარალებულის და აღნიშნავს, რომ პოლიციელების მხრიდან უფლებამოსილების გადამეტებასთან ერთად ადგილი ჰქონდა ძალადობასაც. 

დღეს, 19:00 საათზე, ქალაქ გორში, გორის სამმართველო პოლიციასთან იმართება აქცია. ჩვენი მთავარი მიზანია, რომ იყოს ობიექტური და სამართლიანი გამოძიება. უფლებამოსილების გადამეტებასთან ერთად იყო ძალადობა, რაც 5-დან 8 წლამდე თავისუფლების აღკვეთას და ჩემი პირადი მოთხოვნაა, რომ სასჯელი იყოს მაქსიმალური თითოეული მათგანისთვის," - ამბობს დაზარალებულის და. 

• ძალადობაში ჩართული პოლიციელების ერთი ნაწილი იდენტიფიცირებულია 

დღეს, 28 მაისს, პროკურატურამ გორში, „კომბინატის დასახლებაში“ მოქალაქეზე ძალადობის საქმეზე ექვსი პოლიციელი დააკავა. ძალადობაში მხილებულ პოლიციელებს 5-დან 8 წლამდე პატიმრობა ემუქრებათ. 

პოლიციელების ნაწილი ხაშურის, ნაწილი კი დიღმის დროებითი მოთავსების იზოლატორებში გადაიყვანეს. 

მათ წინააღმდეგ საქმე აღძრულია სისხლის სამართლის კოდექსის 333-ე მუხლის მესამე ნაწილის „ბ“ ქვეპუნქტით (სამსახურებრივი უფლებამოსილების გადამეტება, ჩადენილი ძალადობით). მუხლს დაკავებულის ადვოკატი და სხვა იურისტები არ ეთანხმებიან და მის გადაკვალიფიცირებას მოითხოვენ. 

• "გამოძიება წამების მუხლით უნდა დაიწყოს" - პოლიციელების მიერ ნაცემი კაცის ადვოკატი

30 წლამდე კაცს პოლიცია ჯგუფურად გუშინ გაუსწორდა, ნაცემია პაპუნა ლოცულაშვილს მეგობარიც. 

• მე და ჩემი ძმაკაცი მაგრად გვცემეს - პირველი ინტერვიუ პოლიციელების მიერ ნაცემ კაცთან