მცხეთა-მთიანეთის პოლიციის დეპარტამენტის დირექტორად გიორგი სამარღანიშვილი დაინიშნა - ამის შესახებ ინფორმაციას შსს-სთან დაკავშირებული Facebook-გვერდი "ყველაფერი პოლიციის შესახებ" ავრცელებს.

სამარღანიშვილმა აღნიშნულ თანამდებობაზე არჩილ მახარაძე  ჩაანაცვლა. შსს-სთან დაკავშირებული Facebook-გვერდი არ წერს, თუ რა ბედი ეწია მახარაძეს.

გიორგი სამარღანიშვილი ამ დრომდე თბილისის პოლიციის დეპარტამენტის გლდანი-ნაძალადევის მთავარი სამმართველოს უფროსის თანამდებობას იკავებდა. 

რა ვიცით გიორგი სამარღანიშვილზე: 

• სამარღანიშვილი "სევასტოპოლის" (რჩეულიშვილის ქუჩა) პოლიციის განყოფილების შეფი იყო იმ დროს, როდესაც ხორავას სისხლიანი ტრაგედია მოხდა და გავცრელებული ცნობებით, სწორედ ამ პოლიციის განყოფილებაში ხდებოდა მოწმეებზე სავარაუდო ზეწოლა. 
• ბოლოს ეს უკანასკნელი თბილისის დეტექტივების სამმართველოს უფროსის მოდაგილე იყო - სწორედ ეს სამმართველო ფიგურირებს კოალიცია "ცვლილებისთვის" დაკავებული წევრი, საბა სხვიტარაძის საქმეში.

გიორგი სამარღანიშვილი ასევე მონაწილეობდა ნიკა მელიას დაკავების სპეცოპერაციაში. ეს ინფორმაცია მაშინ გიორგი სამარღანიშვილმა "პირველებს" დაუდასტურა.

• ცნობისთვის, გიორგი სამარღანიშვილი შს მინისტრმა, ვახტანგ გომელაურმა დააჯილდოვა, როგორც "დამსახურებული პოლიციელი".

გიორგი სამარღანიშვილი შინაგან საქმეთა სამინისტროს კრიმინალური პოლიციის უფროსის მოადგილე, ნიკოლოზ სამარღანიშვილის ძმაა. "შაბათის ეთერსი" ინფორმაციით, სწორედ ნიკოლოზ სამარღანიშვილი ხელმძღვანელობდა გდდ-ს შეფ ზვაიდ ხარაზიშვილთან ერთად 2 თებერვალს, თბილისი მოლთან ხალხის დარბევებს.