თბილისის საქალაქო სასამართლოში ჟურნალიატ ელისო კილაძის სასამართლო პროცესი ისევ დახურულ რეჟიმში მიმდინარეობს - ამ წუთებში სხდომაზე, ბრალდების მხარე ე.წ. ქოლცენტრების საქმის ერთ-ერთ ფუგურანტს, თორნიკე ჯანელიძეს უსვამს კითხვებს. 

,,ქრონიკა +”-ის დამფუძნებლის ადვოკატის, ნათია კორკოტაძის თქმით, საქმის რამდენიმე ტომში, სადაც ჯანელიძის ნაწილზეა საუბარი, ჯანელიძე ე.წ. ქოლცენტრებთან ელისო კილაძის შემხებლობას საერთოდ არ ადასტურებს. 

თორნიკე ჯანელიძე დღეს იკითხება მოწმს სახით, ეს უკანასკნელი დაკითხულია მოწმის სახით, 2025 წლის 15 ოქტომბერს, მისი დაკითხვა გამოძიების მიერ განხორციელდა ნომერ მერვე პენიტენციურ დაწესებულებაში, სწორედ იმ დროს, როდესაც იგი იმყოფებოდა ბრალდებულის სტატუსით ციხეში. 

ვფიქრობდი, რომ თავისუფლება მოიპოვა ჩვენების საფუძველზე, მაგრამ როდესაც სისხლის სამართლის საქმის მასალებს გავეცანი და შემდგომ თორნიკე ჯანელიძის ჩვენებას, ის აბსოლუტურად არაფერს საუბრობს ელისო კილაძესთან დაკავშირებით. ბოლო კითხვა - 25 ფურცელზეა დაახლოებით საუბარი, მას ეკითხებიან, რა კავშირი აქვს ელისო კილაძეს "ქოლ-ცენტრებთან", რაზეც ის პასუხს საერთოდ ვერ სცემს. შესაბამისად, უცნობია, რას ელოდება ბრალდების მხარე დღეს მოქმის დაკითხვისგან"- თქვა ადვოკატმა. 

ელისო კილაძე ე.წ. ქოლ-ცენტრების საქმეზე ფინანსთა სამინისტროს საგამოძიებო სამსახურის თანამშრომლებმა ქუჩაში 18 თებერვალს დააკავეს. 

„ქრონიკა პლუსის“ დამფუძნებელს  ყოფილ გენერალურ პროკურორ ოთარ ფარცხალაძესა და ბიზნესმენ ძმებ დავით და გიორგი მიქაძეებთან ერთად თაღლითობასა და ფულის გათეთრებას ედავებიან. ელისო კილაძე დაკავების პირველივე დღიდან ამბობს, რომ ის მამუკა მდინარაძის შურისძიების მსხვერპლია. 

ცნობისთვის, ე.წ. ქოლ ცენტრების საქმეზე საერთო ჯამში 10 პირია ბრალდებული. ელისო კილაძეს, ოთარ ფარცხალაძეს, გიორგი მიქაძეს, დავით მიქაძეს, ირაკლი სეხნიაშვილს, მიხეილ ჩოხელს, გივი ჯიბლაძეს, ბენ ანორს, თორნიკე ჯანელიძესა და გიორგი კამლაძეს ბრალი სისხლის სამართლის კოდექსის 180-ე და 194-ე მუხლებით აქვთ წარდგენილი, რაც ორგანიზებული ჯგუფის მიერ თაღლითობასა და უკანონო შემოსავლის ლეგალიზაციას (ფულის გათეთრებას) გულისხმობს. 

კილაძის საქმის წარმოება ცალკე წარმოებადაა გამოყოფილი - სასამართლო პროცესები დახურულ რეჟიმში მიმდინარეობს.