პატიმრობაში მყოფი რეზო კიკნაძე ნიკა მელიას განაჩენს ეხმაურება და წერს, რომ მას წყლის პკურებისთვის 1 წელი და 6 თვე მიუსაჯეს, რუსებს კი, შარდის გადასხმისთვის, ბოდიშები უხადეს.

კიკნაძის თქმით, ეს არის “ოცნების“ სამართალი.

ნიკა მელიამ მოსამართლეს წყლის წვეთი აპკურა და 1 წელი და 6 თვე მიუსაჯეს. რუსებმა ქართველებს შარდი გადაასხეს და მისჯის ნაცვლად ქოცებმა აქეთ უხადეს ბოდიში. ეს არის მათი სამართალი. ქოცებმა ბომბების ჩამომყრელ რუსებსაც ბოდიშები უხადეს,- წერს კიკნაძე.

მოსამართლის შეურაცხყოფის საქმეზე ნიკა მელიას განაჩენი გამოცხადდა - გადაწყვეტილება  მოსამართლე ნინო ელიეშვილმა გამოაცხადა.  საქმე ეხება ადმინისტრაციულ საქმეთა კოლეგიის მოსამართლისთვის, თორნიკე ქოჩქიანისთვის სიტყვიერი შეურაცხყოფის მიყენების ბრალდებას. 

ნიკა მელიას 1 წლით და 6 თვით თავისუფლების აღკვეთა მიესაჯა, თუმცა აღნიშნული სასჯელი ნიკა მელიასთვის გამოტანილმა წინა განაჩენმა შთანთქა.