ოკუპირებული აფხაზეთის მარიონეტული რეჟიმი ადასტურებს, რომ საწვავი საქართველოს კონტროლირებადი ტერიტორიიდან შევიდა - შესაბამისი განცხადება ოკუპირებული რეგიონის ე.წ. “ხელისუფლებამ” ადგილობრივ მედიასთან გააკეთა.

• კერძოდ, ადგილობრივმა მედიამ ე.წ. “ხელისუფლებას” კომენტარის გაკეთება სთხოვა ოკუპირებულ რეგიონში საწვავის მიწოდებასთან დაკავშირებით ირაკლი კობახიძის განცხადებაზე.

მარიონეტული რეჟიმი ასევე აღიარებს, რომ ოკუპირებულ აფხაზეთში საწვავის კრიზისი შეიქმნა. 

აფხაზეთის საწვავის ბაზრის მონაწილეებს სირთულეები შეექმნათ, თუმცა მათ შეძლეს საქართველოს ტერიტორიიდან მომარაგების ორგანიზება. ვითარების შესამსუბუქებლად მიიღეს გადაწყვეტილება, არ შეეზღუდათ საქართველოდან საავტომობილო საწვავის იმპორტი — ეს ნაბიჯი შეესაბამება წინა კრიზისების დროს გამოყენებულ მიდგომებს. აღსანიშნავია, რომ ომის შემდგომ პერიოდში, 1990-იან წლებში, საწვავი აფხაზეთის რესპუბლიკიდან საქართველოშიც მიეწოდებოდა.

აფხაზეთის ხელისუფლება არ შეუშლის ხელს რესპუბლიკაში სხვა ქვეყნებიდან საწვავისა და საპოხი მასალების იმპორტს და მზადაა, ამ კუთხით დახმარება გაუწიოს საწვავის ბაზრის მონაწილეებს", - ნათქვამია  ganmartebaSi. 

• ირაკლი კობახიძემ დღეს დაადასტურა, რომ ოკუპირებულ აფხაზეთში ბენზინი თბილისის კონტროლირებადი ტერიტორიიდან შევიდა.