მეტეოროლოგი, კობა ფარტენაძე დროებითი მოთავსების იზოლატორიდან ხელწერილის საფუძველზე გაათავისუფლეს. ამის შესახებ ინფორმაციას მისი უფლებადამცველი "პირველებს" უდასტურებს. 

ადვოკატის ცნობით, სასამართლო პროცესი ხვალ, 18 აგვისტოს გაიმართება. 

სახლშია კი, ხელწერილის საფუძველზე. კი [ბრალს აღიარებს] გადაცდომის ნაწილში, ზედმეტი მოუვიდა ცოტა, მაგრამ არაფერი ისეთი. 

კი, ხვალ იქნება პროცესი, მაგრამ რომელ საათზე არ ვიცი. ვფიქრობთ, რომ სიტყვიერი შენიშვნით, ან ჯარიმით [გაათავისუფლებენ]. 

რა თქმა უნდა, [თავდასხმის ფაქტზე] დაწყებულია გამოძიება," - ამბობს ადვოკატი. 

ცნობისთვის, შსს-ს განცხადებით, მეტეოროლოგი ფარტენაძე ქუჩაში ლანძღვა-გინების გამო დააკავეს.