რატომ შეჩერდა ჰარვარდის უნივერსიტეტში ქართველოლოგიის პროგრამა? - გამოცემა "ნეტგაზეთისთვის" მიცემულ პირველ განმარტებაში ქართველოლოგიის პროგრამის ყოფილი ხელმძღვანელი, ამჟამად დევისის ცენტრის ასოციაციის მრჩეველთა საბჭოს წევრი, პროფესორი სტივენ ჯონსი ამბობს, რომ პროგრამის შეჩერების მიზეზი დაფინანსების არარსებობაა. 

განათლების სამინისტრომ დაფინანსება შეაჩერა - ჯონსი ამბობს, რომ თანხების მობილიზება ბიზნესიგან სცადეს, თუმცა დაფინანსება არავინ ისურვა.

კურსისთვის საჭიროა მინიმუმ 10 ჩარიცხული სტუდენტი. ჩვენ მხოლოდ ექვსი გვყავდა. არსებობდა სხვა ბიუროკრატიული პრობლემებიც, რამაც მისი ნაადრევად დახურვა გამოიწვია.  მომდევნო სემესტრში ჩვენ მას ხელახლა გამოვაცხადებთ. ჰარვარდის ქართული პროგრამა დევისის ცენტრში ფაქტობრივად დაიხურა, თუმცა უნივერსიტეტის სხვა ცენტრებში ვეძებთ ალტერნატივებს. მომდევნო სემესტრში ქართულ სემინარს ჩავატარებთ, მაგრამ პერსპექტივები არასახარბიელოა. ჩვენ ვცადეთ დაფინანსების მოძიება ქართველ ბიზნესმენებსა და ბანკებს შორის, მაგრამ შემოწირულების გაღება არავინ ისურვა”, – მიწერა "ნეტგაზეთს" პროფესორმა ჯონსმა.

ამ საკითხს სოციალურ ქსელში გამოეხმაურა ნათია ჭანკვეტაძე, რომელიც ბოლო ორი წლის განმავლობაში ხელმძღვანელობდა ქართულ პროგრამას ჰარვარდში:

ჰარვარდის უნივერსიტეტში საქართველოს შემსწავლელ პროგრამას ორი წელი ვუხელმძღვანელე და ამ საქმეზე უფრო მნიშვნელოვანსა და საამაყოს ცოტას თუ გავაკეთებდი და გავაკეთებ. პროგრამის დახურვის შესახებ ინფორმაცია გუშინ გავრცელდა და სამწუხაროდ, არა ისე, როგორც დაგეგმილი იყო. ამ მოკლე წერილში, ბევრ დეტალს ვერ მოვიცავ, პროგრამის საქმიანობის, მისი შედეგებისა და განათლების სამინისტროსთან ბოლო ერთ წლიანი კომუნიკაციის შესახებ. ისევე როგორც, პროექტის შემაჯამებელი 45-გვერდიანი ანგარიშისა და პროგრამის დასაფინანსებლად სახელმწიფო გრანტის გაგრძელებაზე გაგზავნილი წინადადების თაობაზე. თუმცა, ამაზე სასაუბრო პლატფორმაც არსებობს. ვიტყვი, რომ საქართველოს შესწავლა ჰარვარდის უნივერსიტეტში, მინიმუმ ერთი წელი, პროგრამის დახურვის პირობებშიც გრძელდება და მეტიც, ახალი პროექტიც იგეგმება. ახალ ინსტიტუციურ სახლთან ერთად, ისევ ჰარვარდში. მედია საშუალებებს დაზუსტებული ინფორმაცია შემიძლია მოგაწოდოთ, როგორც წინა პროგრამის, ასევე ახალი პროექტის შესახებ. ასევე, იმ მხარდაჭერის საჭიროების შესახებ, რაც ამ საქმის ხანგრძლივად შენარჩუნებას სჭირდება”, – დაწერა ჭანკვეტაძემ.

განათლების, მეცნიერებისა და ახალგაზრდობის სამინისტრომ 21 აგვისტოს განაცხადა, რომ „პროგრამის ახალი ეტაპის დამტკიცების საფუძველი არ არსებობდა“.

სამინისტრომ 2026 წლის 21 აგვისტოს წერილობით განცხადებაში ირწმუნებოდა, რომ ჰარვარდის უნივერსიტეტს პროგრამის ანგარიშგება არ წარმოუდგენია.

ცნობისთვის, ჰარვარდის ქართველოლოგიის პროგრამ ირაკლი ღარიბაშვილის მინისტრობის დროს დაარსდა. 

• დეივისის ცენტრის საიტზე ქართველოლოგიის პროგრამის შესახებ ინფორმაცია უკვე წარსულ დროშია ასახული და წერია, რომ „პროგრამის მიზანი იყო საქართველოს გარეთ ქართველოლოგიის წამყვანი ცენტრი გამხდარიყო“ და „მისი შექმნა იყო დიდი მიღწევა“.