"პირველების" ინფორმაციით, მიხეილ ყაველაშვილის მიერ შეწყალებულ 226 პირს შორის, რუსული კანონის საწინააღმდეგო აქციაზე დაკავებული ფრიდონ ბუბუტეიშვილიც არის. ამის შესახებ ინფორმაციას "ტვ პირველს" პატიმრების ოჯახის წევრები და სამოქალაქო ატივისტები აწვდიან.

• ცნობისთვის, ფრიდონ ბუბუტეიშვილმა მიხეილ ყაველაშვილს შეწყალების განცხადებით მიმართა. 

ბუბუტეიშვილი 2024 წლის 9 მაისს დააკავეს. მას 20 წელი პატიმრობაში შეუსრულდა.

რუსული კანონის საწინააღმდეგო აქციაზე დაკავებულ აქტივიტს მოსამართლე ზვიად შარაძემ 5 წლით თავისუფლების აღკვეთა გასული წლის 20 იანვარს მიუსაჯა. ბუბუტეიშვილი სასჯელს პირველ პენიტენციურში სამარტოო საკანში იხდიდა.

• მას ბრალად ედებოდა 2024 წლის 1 მაისს ქვის სროლით მეხანძრე-მაშველის დაშავება და პარლამენტის ჭიშკრის დაზიანება. ჭიშკრის დაზიანებამ 500-ლარიანი ზარალი გამოიწვია. პროკურატურამ საპროცესო შეთანხმებაზე უარი თქვა.

ცნობისთვის, მიხეილ ყაველაშვილმა, მარიამობის დღესასწაულთან დაკავშირებით დღეს 226 პირი შეიწყალა.