მოქალაქეები გეგმავენ, რუსთაველზე ძველი მილები ნიმუშები, რომლებიც შესაძლოა საშიშ ნივთიერებას აზბესტს შეიცავდეს, შესამოწმებლად ბერლინის ლაბორატორიაში გადაგააზავნონ. ამის შესახებ მოძრაობა "პარტიზანული მებაღეობის" დამფუძნებელი ნატა ფერაძე საუბრობს. 

ფერაძის თქმით, მნიშვნელოვანია, რომ აღნიშნული ნივთიერება არ მოხვდეს სასუნტქ გზებში და მისი ამოღება და უტილიზაცია მკაცრად დაცული ნორმებით უნდა მოხდეს. 

რუსთაველზე იყო აზბესტი, იგივე აზბესტოზა, რომელიც არის მძიმე კანცორეგენური ნივთიერება. კანცეროგენური ნიშნავს, რომ კიბოს გამომწვევია, რომელზეც ძალიან დიდი განგაშია დასავლეთში ატეხილი და უტილიზაცია ხდება ძალიან მკაცრი ნორმების დაცვით და ამ პოსტის მერე მე და ჩემმა მეგობარმა გადავწყვიტეთ, რომ ავიღოთ ნიმუშები, მოველაპარაკეთ ბერლინში ლაბორატორიას. ეს ნაწილაკები, მთავარია, სასუნთქ გზებში არ მოხვდეს, ქარს გადააქვს და ეს უნდა ხდებოდეს შეფუთულ დაწესებულებაში და სველი წესით. ეს არის კრიტიკულად მნიშვნელოვანი, ეს არის ძალიან საშიში, რაც ხდება და ეს არის ეკოციდი, რასაც ჰქვია, - ამბობს ნატა ფერაძე. 

საქართველოს სახალხო დამცველი რუსთაველის გამზირის რეაბილიტაციისას აზბესტის შემცველი ძველი მასალების შესაძლო აღმოჩენაზე საუბრობს და თბილისის მერიას მოუწოდებს, დაადგინოს, შეიცავს თუ არა აღმოჩენილი მასალა ჯანმრთელობისთვის საშიშ ნივთიერებას. ომბუდსმენის განცხადებით, აზბესტის ზემოქმედება მძიმე დაავადებების, მათ შორის ფილტვის კიბოს განვითარების რისკთან არის დაკავშირებული.

თბილისის მერია პასუხისმგებლობას იხსნის და აცხადებს, რომ საუბარია „სილქნეტის“ კუთვნილ მილებზე. კომპანიაში საკითხთან დაკავშირებით ამ ეტაპზე კომენტარს არ აკეთებენ.