ელისო კილაძის საქმეზე დღეს ბიზნესმენ გივი ჯიბლაძეს დაკითხავენ - პროკურატურის ერთ-ერთი მნიშვნელოვანი მოწმე, რომელმაც ხელი ამ საქმეზე ბრალდებულ ყველა პირს დაადო უკვე სასამართლოშია. ჯიბლაძე აღიარების და თანამშრობლობის გამო პროკურატურამ გირაოთი გაათავისუფლა.

"თაღლითური ქოლ-ცენტრების" საქმეზე დაპატიმრებული ჟურნალსიტის ადვოკატი ამტკიცებს, რომ სწორედ ამ მოტივით მისცა ჯიბლაძემ ცრუ ჩვენება.

თქვენთვის ცნობილია, რომ გივი ჯიბლაძემ პირველად ხელი დაადო გრიგოლ ლილუაშვილს, შემდეგ ელისო კილაძეს, რის სანაცვლოდად მან მოიპოვა თავისუფლება. მართალია მას ბრალდებულის სტატუსი აქვს, თუმცა გარეთ იმყოფება. როგროც ჩვენთვის ცნობილია, ისდ აცვის პროგრამაშია ჩასმული. დღეს დაცვასთან ერთად მოვა. საინტერესოა, რაში სჭირდება მას დღეს დაცვა. მართლა საინტერესო პროცესი იქნება და დღეს ბევრ სიმართლეს აეხდება ფარდა. რაც მან მისცა გამოძიებას ჩვენება, ეს არის აბსურდული", - ამბობს ელისო კილაძის ადვოკატი ნათია კოტრიკაძე.

პროკურატურას მოლოდინი აქვს, რომ გივი ჯიბლაძე დღეს გაიმეორებს გამოძიების ეტაპზე მიცემულ ჩვენებას და "ქოლ-ცენტრებში" მონაწილე პირების შესახებ ისაუბრებს. 

ბრალდების მხარე დაითხავს იმ მნიშვნელოვან მოწმეს, რომელიც იყო იმ ორგანიზებული ჯგუფის წევრი, რომელში მონაწილეობასაც ბრალდების მხარე ელისო კილაძეს ედავება. მოწმე მისი გამოკითხვის ოქმის შინაარსიდან გამომდინარე, მაქვს მოლოდინი, რომ ისაუბრებს თავად ქოლ-ცენტრების საქმიანობაზე, მასში მონაწილე პირებზე და უშუალოდ ელისო კილაძის როლზე", - განაცხადა პროკურორმა მარიამ ბერძენიშვილმა. 

ელისო კილაძე ე.წ. ქოლ-ცენტრების საქმეზე ფინანსთა სამინისტროს საგამოძიებო სამსახურის თანამშრომლებმა ქუჩაში 18 თებერვალს დააკავეს. 

„ქრონიკა პლუსის“ დამფუძნებელს  ყოფილ გენერალურ პროკურორ ოთარ ფარცხალაძესა და ბიზნესმენ ძმებ დავით და გიორგი მიქაძეებთან ერთად თაღლითობასა და ფულის გათეთრებას ედავებიან. ელისო კილაძე დაკავების პირველივე დღიდან ამბობს, რომ ის მამუკა მდინარაძის შურისძიების მსხვერპლია. 

ცნობისთვის, ე.წ. ქოლ ცენტრების საქმეზე საერთო ჯამში 10 პირია ბრალდებული. ელისო კილაძეს, ოთარ ფარცხალაძეს, გიორგი მიქაძეს, დავით მიქაძეს, ირაკლი სეხნიაშვილს, მიხეილ ჩოხელს, გივი ჯიბლაძეს, ბენ ანორს, თორნიკე ჯანელიძესა და გიორგი კამლაძეს ბრალი სისხლის სამართლის კოდექსის 180-ე და 194-ე მუხლებით აქვთ წარდგენილი, რაც ორგანიზებული ჯგუფის მიერ თაღლითობასა და უკანონო შემოსავლის ლეგალიზაციას (ფულის გათეთრებას) გულისხმობს. 

კილაძის საქმის წარმოება ცალკე წარმოებადაა გამოყოფილი - სასამართლო პროცესები დახურულ რეჟიმში მიმდინარეობს.