საბურთალოზე მაგისტრალური წყალსადენი დაზიანდა - GWP-ის განცხადება

18.11.26 10:19
საბურთალოზე მაგისტრალური წყალსადენი დაზიანდა - GWP-ის განცხადება

დღეს, 18 ნოემბერს, გამთენიისას, თბილისში, მიცკევიჩისა და გამრეკელის ქუჩების კვეთასთან, 1200 მმ-იანი მაგისტრალური წყალსადენი ავარიულად დაზიანდა. კომპანია „ჯორჯიან უოთერ ენდ ფაუერის“ ინფორმაციით, აბონენტები ალტერნატიულ ქსელზე გადართეს, ადგილზე აღდგენითი სამუშაოები მიმდინარეობს, ხოლო დაზიანების შედეგად მიყენებულ ზარალს კომპანია სრულად აანაზღაურებს. 

დღეს, 18 ნოემბერს, გამთენიისას, 03:30 საათზე, საბურთალოს რაიონში, მიცკევიჩისა და გამრეკელის ქუჩების კვეთის მიმდებარედ, ჯორჯიან უოთერ ენდ ფაუერი 1200 მმ-იანი მაგისტრალური წყალსადენი ავარიულად დაზიანდა.

შემთხვევის ადგილზე მოხდა კომპანიის ტექნიკური და საავარიო ჯგუფების დაუყოვნებელი მობილიზება. წყლის ნაკადის შესაჩერებლად ოპერატიულად დაიკეტა დაზიანებული მაგისტრალური მილსადენის ჩამკეტ-მარეგულირებელი ურდულები.

მოსახლეობისთვის წყალმომარაგების შეფერხების თავიდან აცილების მიზნით, კომპანიამ უზრუნველყო აღნიშნულ არეალში მდებარე აბონენტების ალტერნატიულ ქსელზე გადართვა.

ამ ეტაპზე ადგილზე ინტენსიურად მიმდინარეობს აღდგენითი ტექნიკური სამუშაოები, რათა დაზიანება უმოკლეს ვადაში აღმოიფხვრას. პარალელურად, კომპანიის შესაბამისი სამსახურების მიერ მოხდება დაზიანების შედეგად მიყენებული ზიანის შესწავლა და კომპანია მიყენებულ ზარალს სრულად აანაზღაურებს.