ვარკეთილის ზემო პლატოზე მდებარე წმინდა სპირიდონ ტრიმიფუნტელის სახელობის სამლოცველოდან სიწმინდე მოიპარეს. წაღებულია სპიროდონ ტრიმიფუნტელის ფაჩუჩი. ინფორმაციას სოციალურ ქსელში ეკლესია ავრცელებს.

მოხდა სამწუხარო ფატქი!

ამა წლის 13 იანვარს, #ვარკეთილის ზემო პლატოს მე-10 კვარტალში მდებარე წმინდა სპირიდონ ტრიმიფუნტელის სახელობის სამლოცველოდან დაიკარგა (მოიპარეს), თითოეული ჩვენგანისთვის უდიდესი სიწმინდე, წმ. სპირიდონ ტრიმიფუნტელის ფაჩუჩი (რომელიც ფოტოზეა ასახული). შეშფოთებას გამოვთქვავთ ამ უდიდესი ბოროტების წინააღმდეგ!

გთხოვთ #გააზიაროთ და ხმა მივაწვდინოთ იმ ადამიანს, რომელმაც ნებსით თუ უნებლიედ  ჩაიდინა ეს საქციელი და ვიმედოვნებთ გამოიჩენს კეთილგონიერებას და დაგვიბრუნებს სიწმინდეს, რომელიც ჩვენთვის ძალზედ მნიშვნელოვანია!,- ნათქვამია განცხადებაში.

ვარკეთილის ეკლესიაშ ეს ქურდობის პირველი შემთხვევა არ არის. ცოტა ხნით ადრე ტაძრიდან შესაწირი ყუთი და  ზარები მოიპარეს.