თავდასხმა "ტვ პირველის" გადამღებ ჯგუფზე ქუჩაში და პარლამენტში - მედიის ადვოკატირების კოალიცია  დოლიძის ქუჩაზე ნანუკა ქაჯაიასა და  ოპერატორ პაპუნა ხაჩიძეზე განხოირციელებული თავდასხმის საქმეზე გამოძიების დაწყებას მოითხპვს. 

 ორგანიზაცია ასევე მოუწოდებს საქართველოს პარლამენტს ეთიკის საბჭოს ფარგლებში შეისწავლოს პარლამენტის წევრის მამუკა მდინარაძის მიერ საქართველოს პარლამენტის წევრის ეთიკის კოდექსის შესაძლო დარღვევის შესახებ. 

დღეს, 2022 წლის 24 ივნისს თბილისში, დოლიძის ქუჩაზე ჟურნალისტ ნანუკა ქაჯაიას და ოპერატორ პაპუნა ხაჩიძეს თავს დაესხნენ. გავრცელებული კადრებიდან ჩანს, რომ გადამღებ ჯგუფს აგრესიული პირები ხელს უშლიან ჟურნალისტურ საქმიანობაში. 

გუშინ, 2022 წლის 23 ივნისს “TV პირველის” კიდევ ერთმა წარმომადგენელმა, ჟურნალისტმა ნატა ქაჯაიამ გაავრცელა ინფორმაცია, რომ საქართველოს პარლამენტის წევრის მამუკა მდინარაძის მხრიდან დისკრიმინაციის და აგრესიული დამოკიდებულების მსხვერპლი გახდა. 

ჟურნალისტის ინფორმაციით, პარლამენტის წევრმა საჯარო შეხვედრისას მის მიმართ არაერთხელ გამოიყენა არაკორექტული ლექსიკა, ისევე როგორც შეურაცხმყოფელი, პატივისა და ღირსების შემლახველი, ასევე დისკრიმინაციული ფრაზები. 

კოალიცია მოუწოდებს სპეციალურ საგამოძიებო სამსახურს, დაუყოვნებლივ დაიწყოს გამოძიება დოლიძის ქუჩაზე “TV პირველის” გადამღებ ჯგუფზე თავდასხმის ფაქტზე. 

კოალიცია აგრეთვე მოუწოდებს საქართველოს პარლამენტს ეთიკის საბჭოს ფარგლებში შეისწავლოს პარლამენტის წევრის მამუკა მდინარაძის მიერ საქართველოს პარლამენტის წევრის ეთიკის კოდექსის შესაძლო დარღვევის შესახებ“. - ნათქვამია განცხადებაში.