ევროინტეგრაციის მხარდამჭერ აქციას, რომელიც დღეს რუსთაველის გამზირზეა დაგეგმილი, მოქალაქეები რეგიონებიდანაც უერთდებიან. ყველა დიდი ქალაქში აქციაზე წამომსვლელები დილის 10 საათიდან იკრიბებიან. ამ დროისათვის წალენჯიხიდან და ბათუმიდან თბილისისკენ ავტოკოლონები უკვე დაიძრნენ. 

ქართველები, სულით თავისუფალი ადამიანები, ძირით ევროპელები, უარს ვეუბნებით რუსეთს. არა ბურუსეთს, წინ მხოლოდ ევროპაა, გზა თვაისუფლებისკენ, გზა მომავლისკენ, - ამბობს ერთ-ერთი მოქალაქე.

მოვლენების ეპიცენტრი დღეს ისე დედაქალაქის მთავარი გამზირი იქნება. დაშინების და ტერორის მიუხედავად, რიგითი მოქალაქეები, პოლიტიკოსები, სამოქალაქო აქტივისტები და სხვადასხვა სფეროს წარმომადგენლები ქვეყნის ევროინტეგრაციის მხარდამჭერ აქციაზე  ისევ შეიკრიბებიან.

დღეს ზუსტად 20:00 საათზე ვადა ეწურება სახალხო მოძრაობის მიერ წაყენებულ ულტიმატუმსაც. საუბარია ირაკლი ღარიბაშვილის გადადგომასა და ეროვნული მთავრობის შექმნაზე, რომელმაც ევროსაბჭოს 12 პუნქტიანი რეკომენდაციების შესრულება უნდა უზრუნველყოს.