სასამართლოში "რუსთავი 2-ის" საქმეზე არსებითი განხილვა დაიწყო. საქალაქო სასამართლო ტელევიზიის დამფუძნებლების,  ჯარჯი აქიმიძისა და დავით დვალის, სარჩელს განიხილავს. დღევანდელ პროცესზე  ,,რუსთავი 2"-ის დამფუძნებლების  ადვოკატები ტელევიზიის  მთელი ქონებისათვის ახალი ყადაღის დადებას და მოწმეების დაკითხვას მოითხოვენ, რადგან მათი ინფორმაციით, მოქმედი მენეჯმენტი ქონების გადამალვას გეგმავს.

ჩვენი მოთხოვნა არის წილის 60%-ის უკან დაბრუნება, იმ წილის, რომელიც წინა ხელისუფლების მაღალჩინოსნების პირდაპირი  ჩარევით, ზეწოლით დაათმობინეს დამფუძნებლებს. დავაყენებთ არაერთ შუამდგომლობას, ეს შეეხება მოწმეთა დაკითხვას, ეს შეეხება დამატებითი მტკიცებულებების წარმოდგენას და გამოთხოვას პროკურატურიდან", - ამბობს ადვოკატი კახა კოჟორიძე. 

პროცესი საქალაქო სასამართლოში რამდენიმე წუთის წინ დაიწყო.