გურამ ფალავანდიშვილმა დედაენის ბაღში ჩვენი ინსტალაცია დააზიანა - Tbilisi Pride

15.05.21 15:59
გურამ ფალავანდიშვილმა დედაენის ბაღში ჩვენი ინსტალაცია  დააზიანა -  Tbilisi Pride

გურამ ფალავანდიშვილმა დედაენის ბაღში  თბილისი პრაიდის ინსტალაცია  დააზიანა. ამის შესახებ tvpirveli.ge-ს ინფორმაცია Tbilisi Pride-ის დამფუძნებელმა, მარიამ კვარაცხელიამ მიაწოდა. კვარაცხელიას თქმით, ფაქტი რამდნეიმე წუთის წინ მოხდა.

შესაბამისი განცხადება მალევე  გაავრცელა Tbilisi Pride-მაც. ორგანიზაცია გურამ ფალავანდიშვილის დაკავებას ითხოვს. მათი ცნობით, გარდა ინსტალაციის დაზიანებისა ფალავანდიშვილი თავს დაესხა აქტივისტებსაც.

რამდენიმე წუთის წინ, დედაენის ბაღში, ლგბტქ აქტივისტების მიერ მომზადებული ინსტალაცია “welcome to the closet” გურამ ფალავანდიშვილმა დაარბია. როგორც ვიცით ფალავანდიშვილი თავს დაესხა აქტივისტებსაც. 
მოვუწოდებთ საქართველოს მთავრობას, შინაგან საქმეთა სამინისტროს და შესაბამის უწყებებს დაუყონებლივ 
 დ ა ა კ ა ვ ო ნ გურამ ფალავანდიშვილი; 
 დაიცვან ადამიანების ჯანმრთელობა და შეკრებისა და გამოხატვის თავისუფლება!
- აღნიშნულია განცხადებაში.