დღევანდელი მთავრობის სხდომა დედების პროტესტის ფონზე ჩატარდება - აქონდროპლაზიის მქონე ბავშვების მშობლები საზოგადოებას მოუწოდებენ ირაკლი ღარიბაშვილის ტრადიციული ბრიფინგის პარალელურად დაგეგმილ აქციას შეუერთდნენ.

"წამლის გარეშე სახლში არ წავალთ" - ამბობენ დედები, რომლებმაც ღარიბაშვილის სამსახურთან მეექვსე ღამე გაათენეს. 

ამ დღეების განმავლობაში მთავრობის ადმინისტრაციიდან არავინ გამოსულა და უთქვამს რას აპირებს პრემიერ-მინისტრი: 

გუშინ ღამე წვიმაში იმ იმედით გავათენეთ, რომ დღეს პრემიერი შეგხვდება. იქნება ხმაური, ვითხოვთ პრემიერი შეგხვდეს და გაგვცეს პასუხი. 6 ღამეა წვიმასა და ქარში გარეთ ვართ, თუმცა გვაიგნორებენ. ამაზე მაინც გაგვცენ პასუხი რატომ?!" - აცხადებს  აქონდროპლაზიის მქონე ბავშვების მშობელი.