რუსეთის თავდაცვის სამინისტრო ამტკიცებს, რომ უკრაინაში 60-მდე ქართველი მებრძოლი დაიღუპა და  ოცი კი დაიჭრა. რუსეთის თავდაცვის სამინისტროს სპიკერი, გენერალ-ლეიტენანტი იგორ კონაშენკოვი ამტკიცებს, რომ 21 აპრილს ისკანდერის სარაკეტო სისტემით მათ იერიში მიიტანეს "უცხოელი დაქირავებულების" დროებით დისლოკაციის ადგილას შეიარაღების საცავზე, რომელიც დონეცკის ოლქში მდებარე ქალაქ კონსტანტინოვკაში მდებარეობდა. 

21 აპრილს ისკანდერის ოპერატიულ-ტაქტიკური სარაკეტო სისტემა თავს დაესხა დონეცკის სახალხო რესპუბლიკის კონსტანტინოვკაში ბიბლიოთეკის შენობაში განლაგებულ იარაღის საცავს და უცხოელი დაქირავებულთა სადგურს. დარტყმის შედეგად დაიღუპა 60-მდე ბოევიკი ე.წ. „ქართული ლეგიონი“ მიმდებარე ტერიტორიაზე მდებარე 15 სამხედრო ტექნიკა, მძიმედ დაშავდა კიდევ 20-მდე დაქირავებული“, - განაცხადა რუსეთის თავდაცვის სამინისტროს წარმომადგენელმა. 

იგორ კონაშენკოვი ამტკიცებს, რომ „ქართული ლეგიონის ბოევიკები, გასული წლის მარტში კიევთან რუსი სამხედროების სასტიკ წამებასა და მკვლელობაში მონაწილეობდნენ".

 "რუსეთის თავდაცვის სამინისტროს აქვს ინფორმაცია ყველა უცხოელი დაქირავებული ჯარისკაცის შესახებ, რომელიც მონაწილეობს რუსი სამხედროების მკვლელობაში. ყველა მათგანს დამსახურებული ანგარიშსწორება გაუსწრებს", -აღნიშნა მან.