თამარ ბაჩალიაშვილის საქმის გამომძიებელი დღეს პროკურატურაშია დაბარებული. სერგო შუბითიძისთვის, ისევე როგორც გარდაცვლილის ოჯახისთვის პროგრამისტის თვითმკვლელობის ვერსია არადამაჯერებელია. ის ფიქრობს, რომ საქმე გაყალბდა.

შუბითიძე საგამოძიებო უწყებაში 14:00 საათზე უნდა მივიდეს. 

ცნობისთვის, თამარ ბაჩალიაშვილი 2020 წლის 18 ივლისს გაუჩინარდა. 23 წლის ბაჩალიაშვილი თეთრიწყაროს ტყეში, საკუთარ მანქანაში გარდაცვლილი რამდენიმე დღეში იპოვეს.