გაბონის ტერიტორიულ წყლებში ღუზაზე მდგომი გემიდან სამი მეზღვაური გაიტაცეს.  ინფორმაციას საზღვაო ტრანსპორტის სააგენტო ადასტურებს. 

თავდასხმა ტერიტორიულ წყლებში, ღუზაზე მდგომ გემზე მოხდა. გატაცებულია სულ სამი პირი, აქედან ორი საქართვლოს მოქალაქეა. 

სამხრეთ აფრიკაში საქართველოს საკონსულოდან მიღებული ინფორმაციის თანახმად, 2 მაისს, ღამის საათებში, გაიტაცეს სამი მეზღვაური, მათ შორის ორი საქართველოს მოქალაქეა. გემზე დარჩენილ მეზღვაურებს საფრთხე არ ემუქრებათ.
საქართველოს ეკონომიკისა და მდგრადი განვითარების  სამინისტროს საზღვაო ტრანსპორტის სააგენტო, საგარეო საქმეთა სამინისტროსთან ერთად აქტიურად მუშაობს, მათ შორის საკრუინგო და გემთმფლობელ კომპანიებთან ჩვენი მეზღვაურების ტყვეობიდან გამოსახსნელად.
სააგენტოს წარმომადგენლები უკვე დაუკავშირდნენ ოჯახის წევრებს და მიაწოდეს დეტალური ინფორმაცია.
ქართველი მეზღვაურების უსაფრთხოებიდან გამომდინარე, მოგიწოდებთ თავი შეიკავოთ დეტალებისა და რამე სახის მაიდენტიფიცირებელი ინფორმაციის საინფორმაციო საშუალებებით გავრცელებისგან"- წერია განცხადებაში.