გორში ყოვლადწმინდა ღვთისმშობლის ხარების სახელობის ეკლესია გაქურდეს. შინაგან საქმეთა სამინისტროს ინფორმაციით, დანაშაულის ჩამდენი პირი, 35 წლის პირი დააკავეს.

ის წარსულში ნასამართლევი და ამჟამად პირობითი მსჯავრის ქვეშ მყოფია.

შსს-ს ცნობით, დაკავებულმა მის მიერ ჩადენილი კიდევ 4 ეკლესიის გაქურდვის ფაქტი აღიარა. საიდანაც უკანონოდ დაეუფლა, ფულს და წმინდა გიორგის გამოსახულების მედალიონს.

პოლიციამ, ეკლესიებიდან მოპარული თანხის ნაწილი, ასევე წმინდა გიორგის გამოსახულების მედალიონი ნივთმტკიცების სახით ამოიღო.

გამოძიება საქართველოს სსკ-ის 177-ე მუხლის მე-2 ნაწილის „ბ“ ქვეპუნქტით მიმდინარეობს. დანაშაული 5 წლამდე ვადით თავისუფლების აღკვეთას ითვალისწინებს.