მეწყერში მოყოლილებს რაჭაში ახლაც ეძებენ. დაკარგულად ამ დროისთვის ორი ადამიანი ითვლება.  შოვის ტრაგედიიდან 23 დღე გავიდა. ბოლო მონაცემენით, სტიქიას 31 ადამიანი ემსხვერპლა, მათგან 29 იდენტიფიცირებულია. 

„ამ დროისთვის არსებული ინფორმაციით, შოვში სტიქიის შედეგად გარდაცვლილი 31 მოქალაქეა ნაპოვნი, 29 მოქალაქეა იდენტიფიცირებული და 2 ადამიანის საძიებო სამუშაოები კვლავ აქტიურ რეჟიმში მიმდინარეობს.

მოგეხსენებათ, საძიებო სამუშაოებში ჩართულია შესაბამისი უწყება: რეგიონული განვითარებისა და ინფრასტრუქტურის სამინისტრო, შსს, თავდაცვის ძალები, „წითელი ჯვარი“. მინდა თითოეულ მათგანს ამ თავდაუზოგავი შრომისთვის მადლობა ვუთხრა“, - განაცხადა ონის მერმა სერგი ხიდაშელმა.