უამინდობამ ფოთში პრობლემები შექმნა. კოსტავას ქუჩაზე მდებარე ხუთსართულიანი კორპუსის ნახევარს სახურავი აქვს გადახდილი, დაზიანებულია ავტომანქანები.

ჰიდროგრაფიული სამსახურის სინოპტიკური სამმართველოს ინფორმაციით, შავი ზღვის სანაპირო ზოლზე 27 ნოემბერს დღის განმავლობაში 6-7 ბალიანი შტორმი ფიქსირდება, ხოლო საღამოს დაიკლებს და  5-6 ბალი იქნება. ასევე, დღის განმავლობაში იქროლებს ძლიერი ქარი, დროგამოშვებით ფიქსირდება უხვი ნალექი.

სინოპტიკოსების განცხადებით, შტორმის სიმძლავრე ხვალიდან შედარებით დაიკლებს, ხოლო ძლიერი ქარი, სავარაუდოდ, სამი დღის განმავლობაში შენარჩუნდება.