კახა აბუაშვილის მეგობრები მომღერლის მხრიდან რაიმე სახის ძალადობას გამორიცხავენ. ლალი მოროშკინა ფიქრობს, რომ ცნობილ რეპერს პროვოკაცია მოუწყვეს. 

ძალადობაზე კი არა, საერთოდ გადამეტებულ სიტყვაზეც ვერ ვიტყვი, რომ კაბუმ შეიძლება რაღაც ასეთი იკადროს. ყოფით ცხოვრებაში ჭიანჭველას არ დაადგამს ფეხს, ამიტომ გაზვიადებული გადამეტებული მეჩვენება ეს ყველაფერი. მე ყველაფერს ვუშვებ და მათ შორის, პროვოკაციასაც, იმიტომ, რომ კაბუ არის ადამიანი, რომელსაც სამწუხაროდ, ჯერ კიდევ ძალიან ბევრი ერჩის. ასე კონფლიქტი ვერ აღმოცენდებოდა ერთ წუთში და სუფთა ადგილზე, - ამბობს ლალი მოროშკინა.

შეგახსენებთ, რომ კახა აბუაშვილი ორი დღის წინ ქალზე ძალადობის ბრალდებით აეროპორტის გზაზე დააკავეს. მომღერალი ახლა ბრალის წარდგენას ზაჰესის წინასწარი დაკავების იზოლატორში ელოდება. თავად დაკავებული ბრალს არ აღიარებს.