უკანონოდ მითვისებული 4 მილიონამდე - გაშიფრულია თაღლითური სქემა, რომლის მიხედვითაც გაყალბებული დოკუმენტების საშუალებით ირანის მოქალაქეების კუთვნილ ბინებს თბილისსა და ბათუმში კონკრეტული დაჯგუფების წევრები ეუფლებოდნენ. დაზაარალებულია ირანის 19 მოქალაქე, ბრალდებული კი 14 პირია, მათ შორის არიან საქართველოს მოქალაქე ქალებიც. 

ირკვევა, რომ ცალკეულ შემთხვევებში დაზარალებულები თბილისშიც კი არ იმყოფებოდნენ, ხოლო როდესაც საქართველოში ბრუნდებოდნენ, სახლები უკვე მათ სახელზე აღარ იყო.

ადვოკატების მტკიცებით, გამოძიების კვალი შესაძლოა, საჯარო რეესტრის თანამშრომლებამდეც მივიდეს, რომლებიც, სავარაუდოდ, დანაშაულებრივი სქემის მონაწილეებს კონკრეტული მსხვერპლების შესახებ პირად მონაცემებს აწვდიდნენ.

ვრცლად ნახეთ სოფო ნიაურის რეპორტაჟში.