კაცი, რომელმაც გორის რაიონ სოფელ რეხაში ძაღლი დაჭრა, შსს-მ დააკავა. 

გამოძიება სისხლის სამართლის კოდექსის 259-ე მუხლით მიმდინარეობს, რაც ცხოველის მიმართ სასტიკ მოპყრობას გულისხმობს. 

ცნობისთვის, გორის მუნიციპალიტეტის სოფელ რეხაში ძაღლი დაჭრეს - ცხოველს სანადირო თოფიდან გასროლილი ორი ტყვიით მიაყენეს დაზიანებები.

დაჭრილი ძაღლი ვეტერინარულ კლინიკაშია გადაყვანილი, სადაც მას შესაბამისი სამედიცინო დახმარება გაეწია.