გორში ძაღლის წამებისთვის დაკავებულ კაცს ბრალი წარუდგინეს. 65 წლის მამაკაცს სასამართლოში დღესვე მიიყვანენ. პროცესი 15:00 საათზეა ჩანიშნული.პროცესის პარალელურად, ცხოველთა უფლებადამცველები აქციის მოწყობას გეგმავენ. 

დღევანდელ პროცესზე დაკავებულის ადვოკატი მოსამართლეს გირაოს სანაცვლოდ გათავისუფლებას სთხოვს. ძალადობისთვის დაკავებულის ადვოკატი ირწმუნება, რომ შუახნის კაცმა იარაღი მხოლოდ იმიტომ გაისროლა, რომ ცხოველის შეშინება უნდოდა. დაჭრილი ძაღლი ახლაც კლინიკაშია. 

ჩემი დაცვის ქვეშ მყოფს წარედგინა ბრალდება სსკ-ის 259 მუხლის პირველი ნაწილის შესაბამისად. იგი ინანიებს ჩადენილ დანაშაულს და ითხოვს პატიებას, აღიარებს ბრალს. მან გაისროლა ძაღლის შეშინების მიზნით. სასამართლოს მიმართ ჩემი შუამდგომლობა იქნება აღკვეთის ღონბისძიების სახით გირაოს გამოყენება, - ამბობს ადვოკატი თამარ თედლიაშვილი.

ბოლო დღეებში გორში ცხოველებზე თავდასხმის სულ სამი შემთხვევა დაქსირდა. გორში იარაღით მოკლეს ძაღლი და სასტიკად სცემეს კატაც.