ბათუმში ოჯახში ძალადობის ბრალდებით ერთი პირი დააკავეს. გამოძიების ინფორმაციით, კაცი ცოლს ფიზიკურად გაუსწორდა, რის შემდეგაც ქალი ბათუმის ერთ-ერთ კლინიკაში გადაიყვანეს.

ფორმულას ცნობით, ქალი საავადმყოფოდან უკვე გაწერეს.

საქმე სისხლის სამართლის კოდექსის 126-ე პრიმა მუხლითაა აღძრული, რაც ოჯახში ძალადობას გულისხმობს. სასჯელი საზოგადოებისთვის სასარგებლო შრომას ან თავისუფლების აღკვეთას 2 წლამდე ვადით გულისხმობს.