დაკავებული ნასამართლევია, ადრე ფსიქიატრიულშიც იწვა - ახალი დეტალები 78 წლის კაცის მკვლელობაზე
78 წლის მამაკაცის მკვლელობის ბრალდებით შუახნის მამაკაცი დააკავეს - შემთხვევა თბილისში აეროპორტის დასახლებაში მოხდა. მოხუცს, რომელიც ეზოში სასეირნოდ ცოლს ყავდა გაყვანილი შეიარაღებულმა მეზობელმა ეზოდან ესროლა.
პენსიონერი ადგილზე გარდაიცვალა. მოტივი სავარაუდოდ ეჭვმიტანილის მძიმე ფსიქოლოგიური მდგომარეობაა. დაკავებული ახლა ბრალის წარდგენას ელოდება. თუმცა არ არის გამორიცხული, დაინიშნოს ფსიქიატრიული ექსპერტიზა და ბრალდებული ფსიქიატრიულ კლინიკაში გადაიყვანონ.
დაჭრის ბრალდებით
მოკლულის მეზობლების თქმით, ბრალდებული ადრე კონკრეტული პირის დაჭრისთვის დააკავეს და შემდეგ ფსიქიატრიულ კლინიკაში გადაიყვანეს. დაწესებულება კაცმა რამდენიმე თვის წინ დატოვა.
უცნობია, საიდან ჰქონდა დაკავებულს ცეცხლსასროლი იარაღი.
ნასამართლევია, ადრე ფსიქიატრიულში იწვა, არ ვიცით საიდან ჰქონდა იარაღი - აცხადებენ მეზობლები.
