უცნობმა ვანდალიზმის გამო დაკისრებული ჯარიმა ერთი თვის შემდეგ გადაიხადა

08.07.21 19:19
უცნობმა ვანდალიზმის გამო დაკისრებული ჯარიმა  ერთი თვის შემდეგ გადაიხადა

მომღერალმა გია გაჩეჩილაძემ, იგივე უცნობმა 9 აპრილს რიყეზე ჩადენილი ვანდალიზმის ფაქტის გამო ჯარიმა  დღეს, 1 თვის დაგვიანებით, გადაიხადა. თბილისის მერიაში ჯარიმის გადახდის ფაქტს ადასტურებენ.

მერიამ "უცნობის" 1000 ლარით დაჯარიმების გადაწყვეტილება ვანდალიზმის ფაქტის ჩადენიდან  2 თვის შემდეგ მიიღო და ქვითარი გაჩეჩილაძეს 2 ივნისს გაუგზავნა.

გია გაჩეჩილაძემ  9 აპრილს საპატრიარქოს მხარდასაჭერად რიყეზე აქცია გამართა, რა დროსაც რელიქვიად აღიარებულ ბერლინის კედლის ფრაგმენტზე საღებავებით დააწერა:  "ღმერთი სიყვარული არს".