იტალიაში საქართველოს მოქალაქე დააკავეს. 23 წლის მამაკაცს ბინის ქურდობას ედავებიან. მედიის ცნობით, ეჭვმიტანილმა ბინიდან ძვირფასეულობა და საყოფაცხოვრებო ნივთები ჩანთებით გაიტანა.

დაკავებულის წინააღმდეგ პირდაპირი მტკიცებულებები არსებობს - ვიდეო-სათვალთვალო კამერის ჩანაწერები, რომელიც იტალიელებს სახლში ჰქონდათ დამონტაჟებული. არსებული ცნობებით, ქართველ მამაკაცს  თანამზრახველიც ჰყავდა, რომელმაც გაქცევა მოახერხა. იტალიელი სამართალდამცველები ახლა გაქცეულ დამნაშავეს ეძებენ, დაკავებული კი რებიბიას ციხეში გადაიყვანეს.