რუსეთის ფედერაციის შინაგან საქმეთა სამინისტროს ყოფილმა თანამშრომელმა, ახლა უკვე პოლიტოლოგმა და სოლოვიევის პროპაგანდისტული არხის წამყვანმა სერგეი კარნაუხოვმა არ გამორიცხა, რომ აქციებზე საქართველოს მთავრობას შესაძლოა, „რუსეთის სამხედრო დახმარება“ დასჭირდეს.

როგორც „ეხო კავკაზა“ წერს,  კარნაუხოვი დარწმუნებულია, რომ თბილისში აქციები "ქართველმა მოღალატეებმა" აშშ-ს მხარდაჭერით მოაწყვეს"

„მათი საბოლოო მიზანია სააკაშვილის გაყვანა, 152-ე ქართული მეიდანის გაკეთება, დესტრუქციული ძალების მოზიდვა, სამხედრო აგრესიის გაჩაღება ოსეთისა და აფხაზეთის წინააღმდეგ. მათ ეს სჭირდებათ, რადგან ამის გარეშე ძალიან რთულია ჩვენი ძალების გაყვანა უკრაინაში სამხედრო ოპერაციების თეატრიდან“, - განაცხადა კარნაუხოვმა.

მისი თქმით, რუსეთის უშიშროების ძალებს შეუძლიათ ადვილად დაეხმარონ საქართველოს ხელისუფლებას „თავი მოაბრუნონ ტერორისტული ნაძირალა“, რომლებიც „უცხოური აგენტების შესახებ“ კანონს აპროტესტებენ.

კარნაუხოვმა საქართველოს პრეზიდენტის სალომე ზურაბიშვილის გადაყენება შესთავაზა, რომელიც „ქართული ოცნების“ ხელისუფლებას აკრიტიკებს.

„რა თქმა უნდა, ზურაბიშვილი უნდა მოვაცილოთ. რატომ არის ის საჭირო იქ? ჩვენ უნდა მოვიშოროთ პროამერიკული ძალები საქართველოში. მთლიანად გაასუფთავეთ საქართველო“, - განაცხადა კარნაუხოვმა.