გორში ავარიის შედეგად ახალგაზრდა ქალი დაიღუპა, დაშავებულია მოზარდი.

წინასწარი ინფორმაციით, სოფელ ტინისხიდის სასაფლაოზე ავტომობილის მძღოლმა საჭე ვერ დაიმორჩილა, მანქანა დაგორდა და ქვემოთ მდგარ დედა-შვილს დაეჯახა.

 31 წლის ქალი კლინიკაში მიყვანამდე გარდაიცვალა, ხოლო დაშავებული მოზარდი თბილისში გადმოიყვანეს. 

მომხდარზე გამოძიება სისხლის სამართლის კოდექსის 276-ე მუხლის მე-6 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ადამიანის სიცოცხლის მოსპობა.