"ქართული ოცნების" რუსული კანონის წინააღმდეგ აქცია იყო ამერიკის შეერთებულ შტატებშიც. ქართველები ვაშინგტონში შეიკრიბნენ.
ემიგრანტებმა საქართველოს საელჩოს ორივე კარი სიმბოლურად საპროტესტო პლაკატებით დალუქეს. ერთს აწერია - არა რუსულ კანონს და არა დიქტატურას, მეორე კი დიპლომატებისთვის დატოვებული გზავნილია. "ამ კარის გამოღებით თქვენ ეთანხმებით და ემსახურებით რუსულ რეჟიმს" - ეს წარწერა დაუტოვეს დავით ზალკალიანს და მის თანამშრომლებს რუსული კანონის მოწინააღმდეგეებმა. ამ ფორმით გააპროტესტეს ამერიკაში მყოფმა ქართველებმა დიპლომატების დუმილი რუსეთიდან გადმოწერილ კანონზე.