დეკანოზ სპირიდონ ცქიფურიშვილი, რომელიც რუსთაველის გამზირზე შეკრებილ მოძალადე ჯგუფებს, 5 ივლისს, ძალადობისკენ მოუწოდებდა, პოლიციაში დაკითხვაზე მიიყვანეს. 

დეკანოზმა სპირიდონ ცქიფურიშვილმა პარლამენტის შენობის წინ მოძალადეეებს მიმართა, რომ "ძალადობა არა მხოლოდ შესაძლებლობა, არამედ - მათი ვალდებულებაა":

„არა ძალადობას კი არა, ვალდებულები ხართ - იძალადოთ სამშობლოსთვის, იძალადოთ ქვეყნისთვის, იძალადოთ სიწმინდისთვის!“- თქვა სასულიერო პირმა.

დღეს დილიდან გამოკითხვების სერია მონდინარეობს პოლიციის განყოფილებაში. დაკითხვაზე გადაიყვანეს მოძალადე, პუტინისტური დაჯგუფების ლიდერებიც. მანამდე გურამ ფალავანდიშვილის, ზურაბ მახარაძისა და კონსტანტინე მორგოშიას სახლში ჩხრეკა ჩატარდა.