ალტ-ინფოს Facebook-გვერდი გაკეთებული გაცხადებების გამო წაიშალა - ISFED

19.07.21 14:53
ალტ-ინფოს Facebook-გვერდი გაკეთებული გაცხადებების გამო წაიშალა - ISFED

ალტ-ინფოს Facebook-გვერდი გაკეთებული გაცხადებების გამო წაიშალა.  ამის შესახებ "სამართლიანი არჩევნები" (ISFED) აცხადებს. ორგანიზაციაში ამბობენ, რომ გვერდი  Facebook-მა  მათი მიმართვის საფუძველზე წაშალა. ორგანიზაციამ სოციალური ქსელის ადმინისტრაციას აცნობა, რომ  "ალტ ინფომ" წესები და პოლიტიკა დაარღვია.

"სამართლიანმა არჩევნებმა'' Facebook-ს მიმართა და ალტ-ინფოს მიერ მის პლატფორმაზე გაკეთებული სიძულვილის ენის შემცველი განცხადებებისა და ძალადობრივი ჯგუფების მობილიზების შესახებ აცნობა...

''სამართლიანი არჩევნები'' აგრძელებს სოციალურ მედიაში გავრცელებული ძალადობის წამახალისებელი გზავნილების მონიტორინგს და სოციალური მედიის პლატფორმების ინფორმირებას", - აცხადებენ ორგანიზაციაში.

ცნობისთვის, "ალტ-ინფო" ჰომოფობიური და რადიკალური მედიასაშუალებაა, რომელიც მოქალაქეებს 5 ივლისს ქუჩაში გამოსვლისკენ მოუწოდებდა.