მოლდოვის პრეზიდენტი, მაია სანდუ, საქართველოშია

19.07.21 15:07
მოლდოვის პრეზიდენტი, მაია სანდუ, საქართველოშია

მოლდოვის პრეზიდენტი, მაია სანდუ, საქართველოში ჩამოვიდა. პრეზიდენტის თვითმფრინავი ბათუმის საერთაშორისო აეროპორტში ცოტა ხნის წინ დაეშვა.

მოლდოვის პრეზიდენტს აეროპორტში აჭარის ავტონომიური რესპუბლიკის მთავრობის თავმჯდომარე, თორნიკე რიჟვაძე, დახვდა.

მაია სანდუ ბათუმის მე-17 საერთაშორისო კონფერენციაზე სიტყვით გამოვა. კონფერენციის ერთ-ერთი მთავარი თემაა - საქართველოს, უკრაინისა და მოლდოვის „ასოცირებული ტრიოს“ ფარგლებში შეთანხმება.

მოლდოვის პრეზიდენტი საქართველოს და უკრაინის პრეზიდენტებთან ერთად მონაწილეობას მიიღებს ევროპული საბჭოს პრეზიდენტთან, შარლ მიშელთან, ერთობლივ შეხვედრაში.

მსგავსი სიახლეები