ე.წ. სიკვდილის ბრიგადების მიერ ნაცემი ნიკო მანაგაძე სოციალურ ქსელში განცხადებას ავრცელებს - სტუდენტი დღეს, თბილისის სახელმწიფო უნივერსიტეტთან განვითარებულ მოვლენებს ეხმაურება და წერს, რომ "კობახიძემ საკუთარი საწადელი აისრულა".

სისხლიანი ანგარიშსწორების მსხვერპლი საქართველოს პრემიერს "მხდალ მონას" უწოდებს და ამბობს, რომ განხორციელებული ძალადობრივი ქმედებით ივანიშვილის სისხლიანი რეჟიმი მეტად უფრო გამჭვირვალე და ცხადი გახდა.

სასტიკად ნაცემი ნიკო მანაგაძე სტუდენტებს მოუწოდებს, რომ ხვალ, 8 ივნისს, 9 საათზე, ირაკლი კობახიძეს თბილისის სახელმწიფო უნივერსიტეტის მეორე კორპუსთან დახვდნენ და დისკომფორტი მაქსიმალურად შეუქმნან.

ხშირად იმეორებდა კობახიძე ჩემ გვარს და აისრულა საწადელი:)) ეს თავდასხმა აჩვენებს რო რაღაც ძალიან ტკივათ ჩემგან და ესე იგი სწორად ვაკეთებ, რასაც ვაკეთებ.

გათავისუფლდება საქართველო ამ ბანდებისგან. ბოროტება ვერასდროს გაიმარჯვებს!

ჩასაფრება და ლაჩრული, ორგანიზებული, ჯგუფური თავდასხმები ამათი ყოველდღიურობის განუყოფელ ნაწილად იქცა. ახალი ვერაფერი მოიფიქრეს. უბრალოდ ვერ ხვდებიან, რომ კიდევ უფრო იმძიმებენ საკუთარ მდგომარეობას და ადამაინებს შიშს კი არა, ბრაზს უძლიერებენ. არაფერია, ყველაფერი გაივლის.

ცუდი სიზმარივით დარჩება ამ ქვეყნის ისტორიას ეს პერიოდი.

რეჟიმს მადლობა საკუთარი თავის კიდევ უფრო გამჭვირვალეობისთვის;)

დიტო სამხარაძე და ირაკლი კობახიძე - შევხვდებით არჩევნების შემდეგ;)

იმ საცოდავ ჩმორებზე (დაქირავებულ ტიტუშკებზე) არაფერი მაქვს სათქმელი. თავიანთი ეყოფათ ცხოვრებაში. ამათი დასჯა თვითმიზანი ვერ იქნება, მიზანია ამ კატასტროფის დასრულება და ამას რეჟიმი საკუთარი ნებით არ დაასრულებს, საკუთარ თავს ვერ დაასრულებს, ჩვენი გასაკეთებელია ეს. ეს დანაშაულებრივი, მოღალატეობრივი დაჯგუფება უნდა ჩამოშორდეს ამ ქვეყანას. ვერ გაგრძელდება ასე ცხოვრება.

ყველაფერს ველოდი. სახლთანაც ჩამისაფრდნენ 2 კვირის წინ და არ გამოუვიდათ. მაგრამ უნივერსიტეტიდან, ლექციიდან გამოსულს თუ ასე დემონსტრაციულად დამესხმებოდნენ თავს, ეგ რთულად წარმოსადგენი იყო. მაგრამ ესეც მხოლოდ იმიტომ, რომ ყველას აჩვენონ - “არც ვმალავთ, ასე გაგისწორდებით ყველას”.

და ეს გააკეთეს ხვალინდელი დილის აქციის წინ, სადაც მოვუწოდე მოქალაქეებს, უნივერსიტეტში მოსულ ბოროტების თანაშემოქმედ ლექტორად და პრემიერად წოდებულ მხდალ კაცს დავხვედროდით, ჩვენი პროტესტის ხმა გაგვეგონებინა.

ასე სცადეს ჩემი და ამ აქციის განეიტრალება:) ჰოდა, ახლა კიდევ უფრო ხმამაღლა მოგიწოდებთ, მიდით ხვალ უნივერსიტეტის მეორე კორპუსთან დილის 9 საათიდან და უთხარით საკუთარი სათქმელი ამ მხდალ მონას. (იქაც ტიტუშკებით დადის, ლექციებს ფაქტობრივად არცერთი მისი რეალური სტუდენტი არ ესწრება და “ახალგაზრდული ფრთა” შეყავს აუდიტორიებში:) ამათთან გვაქვს საქმე.

მოღალატეს, მხდალს და ჯალათს ვერ გააკეთილშობილებ. ბოროტება დასრულდება! საქართველო არ იქნება რუსეთი! თავისუფლება გაიმარჯვებს! ეს ბრძოლა საერთოა!

პ.ს. მადლობა ყველას მხარდაჭერისთვის! კლინიკიდან გამოწერის შემდეგ გიპასუხებთ აუცილებლად ყველას, - წერს ნიკო მანაგაძე.

ნიკო მანაგაძეს 4-მდე ადამიანი სასტიკად გაუსწორდა. სასტიკი ანგარიშსწორება თსუ-ს პირველ კორპუსთან მოხდა.

"პოლიციამ გვერდზე ჩაგვიარა" - რუსული კანონის მოწინააღმდეგე აქტივისტზე თავდასხმის შემსწრეები ყვებიან, რომ რამდენიმე ადამიანი დაესხა თავს ახალგაზრდას.

კადრები, სადაც ჩანან ნიკო მაგანაძეზე თავდამსხმელები.