პროკურატურამ ემიგრანტების თანხების მითვისების გამო დაკავებულებს ბრალი წარუდგინა

21.07.21 20:05
პროკურატურამ ემიგრანტების თანხების მითვისების გამო დაკავებულებს ბრალი წარუდგინა

პროკურატურის ინფორმაციით, ქართველი ემიგრანტების Facebook-გვერდზე უნებართვო შეღწევისა და თანხების თაღლითურად დაუფლებისთვის 6 პირს ბრალი წარუდგინეს.

განცხადებაში ნათქვამია, რომ ბრალდებულებმა უცხოეთში სამუშაოდ მყოფი საქართველოს შვიდი მოქალაქის Facebook-გვერდზე უნებართვოდ შეაღწიეს.

დანაშაულებრივი ჯგუფის წევრები მათი სახელით დაუკავშირდნენ, როგორც საზღვარგარეთ სამუშაოდ მყოფ, ასევე საქართველოში მცხოვრებ მათსავე მეგობრებს, რომლებსაც ონლაინ-კაზინოსა და სწრაფი გზავნილის ანგარიშზე სხვადასხვა ოდენობის თანხა მოტყუებით ჩაარიცხინეს. ბრალდებულები, თაღლითური გზით 14 დაზარალებულის კუთვნილ 10 500 ლარს დაეუფლნენ.

სამართალდამცველებმა  საქმეზე 5 პირი  დააკავეს. მათ ბრალად ედებათ ორგანიზებული ჯგუფის მიერ ჩადენილ თაღლითობა, რამაც მნიშვნელოვანი ზიანი გამოიწვია და წინასწარი შეთანხმებით ჯგუფის მიერ კომპიუტერულ სისტემაში უნებართვო შეღწევა.

დანაშაული 7-10 წლამდე თავისუფლების აღკვეთას ითვალისწინებს.