როდემდე შეიძლება, აქტუალური იყოს?! - თავდაცვის მინისტრი ჟურნალისტების მიმართ ძალადობაზე

22.07.21 12:19
როდემდე შეიძლება, აქტუალური იყოს?! - თავდაცვის მინისტრი ჟურნალისტების მიმართ ძალადობაზე

თავდაცვის მინისტრისთვის მედიაზე განხორციელებული ძალადობა აქტუალური არ არის - ჯუანშერ ბურჭულაძე ჟურნალისტის კითხვამ, რომელიც 5-6 ივლისის მოვლენებს შეეხებოდა, გააღიზიანა. 

რამდენი ხანი შეიძლება, ეს კითხვა დაისვას, როდემდე შეიძლება აქტუალური იყოს?! უნდა ვიცხოვროთ ყოველდღიურ რეალობაში. დამნაშავეები აუცილებლად დაისჯებიან. იცით, რომ ეს პროცესი მიმდინარეობს. დაკავებულია ათობით პირი"- განაცხადა თავდაცვის მინისტრმა. 

მედიამ ბურჭულაძეს შეახსენა, რომ პოლიციას ორგანიზატორები არ დაუკავებია, რაზეც მან ჟურნალიტებს მიუთითა, დაასახელონ, ვინ არიან ორგანიზატორები. 

"მითხარით, ვინ არის ორგანიზატორი და რა დანაშაული მიუძღვის?!"- თქვა მინისტრმა. 

კრიტიკული მედიის წარმომადგენლებმა მინისტრს კონკრეტული გვარები, მორგოშია, ფალავანდიშვილი, მახარაძე დაუსახელეს, შეახსენეს პრემიერის განცხადებაც, თუმცა ამის შემდეგ ბურჭულაძემ ტერიტორია დატოვა.