სექსუალურ ძალადობის ბრალდებით დაკავებულ პედაგოგს წინასწარი პატიმრობა შეეფარდა

23.07.21 22:54
სექსუალურ ძალადობის ბრალდებით დაკავებულ პედაგოგს წინასწარი პატიმრობა შეეფარდა

რამდენიმე წუთის წინ, ოზურგეთის რაიონულმა სასამართლომ, ჩოხატაურის ერთ-ერთი სკოლის ისტორიის პედაგოგს, რომელიც მოსწავლის მიმართ სექსუალური ძალადობის ბრალდებით დააკავეს, წინასწარი პატიმრობა შეუფარდა.

სასამართლო სხდომა მედიისთვის დახურული იყო.

ბრალდებულის ადვოკატის, დავით მამალაძის ინფორმაციით, პროკურატურამ ბრალი გადააკვალიფიცირა და მასწავლებელს, 138-ე მუხლის ნაცვლად,  ბრალი სისხლის სამართლის კოდექსის 150-ე მუხლით წაუყენა, რაც იძულებას გულისხმობს.

დავით მამალაძე არ აკონკრეტებს რა იგულისხმება იძულებაში და რას აიძულებდა 64 წლის მასწავლებელი აბიტურიენტს.

მამალაძე ამბობს, რომ ოზურგეთის რაიონული სასამართლოს გადაწყვეტილებას სააპელაციო სასამართლოში გაასაჩივრებს.